Fiat Caffé (Closed)

同一班朋友行完街，最好就係搵嘢食。行經美麗華附近，有見到呢間早段晚市有得半價，就試下啦！落到去地庫，就見到呢間門口有架車嘅餐廳啦。試咗個吞拿魚牛油果他他，不過不失啦。跟住個龍蝦湯就比較鹹，似乎唔太足料。仲有叫咗個nachos，份量就好似少咗啲，唔夠我哋六個人分。至於個蟹餅同火腿Pizza都係正常質素，以原價黎講就貴左少少囉。Pasta同三文治都穩陣嘅，起碼個pasta唔會overcook囉。總結來講，如果用半價價錢都抵食嘅，原價就貴咗啲啦。