養心殿台式養生鍋 (Closed)

聽聞養心殿，7點前埋單，有半價優惠好耐啦，所以一直都好想試下。 經Open Rice訂左星期日3點鐘去食，眼見都係得2、3枱人，靜靜地打邊爐都幾正~ 裝修都唔錯座位闊落，而且有屏風間隔，不過就係光線較暗，個人唔太鐘意。 一開始我地揀左美人鍋同養生鍋，雙併鍋底就可以一次過試曬兩種不同口味。 美人鍋內有烏雞半隻; 養生鍋有鴨血，人參、紅棗等藥材，2款都好滋補!我同細妹都係湯怪，所以淥野食之前，會飲左湯先。不過講真美人鍋飲落好味精，養生鍋參味比較濃，所以飲落比較順喉。 雜錦蔬菜盤蔬菜都新鮮，款式都多，有冬菇、金針菇、生菜、粟米等，份量較少。 雪花肥牛雖然太薄切失口感，但值得一讚係入口有牛味，肥瘦適中。 鮮蝦滑發生一件小烏龍事，就係上菜時望到有蟹籽，以為係墨魚滑添，後尾店員解釋先知原來係蝦滑黎，有左蟹籽好似有Bonus咁。蝦滑彈牙，但欠缺蝦既鮮味，幸好蟹籽味道幫補到鮮味。 餃子拼盤(每款2粒)我試左其中2款，最難食係麻辣牛肉餃牛肉攪到好爛，完全失去口感，亦食唔出牛味，只得輕微辣味，整體味道極奇怪。韭菜餃韭菜好足料，撈埋少少肉碎，如果係鐘意食韭菜既人士實好岩。 最後埋單茶芥連加一，折左$481，