Video
Read full review
2023-09-04
129 views
👍🏻藥膳麻油雞米線(半價後) $26呢間一直bookmarked咗好耐但仲未食過，趁而家做緊限時優惠即去試下買任何米線，第二碗(價錢較低者)有半價優惠為返呢碗招牌藥膳麻油雞$26，大大碗全日同價，CP值真心癲冇得輸🤪！-湯底麻油味比較香濃明顯，藥膳味較淡原隻雞髀上，雞味幾濃，雞皮爽口，但以雞髀嚟講肉質就唔算好滑配料幾豐富，有蟲草花、紅棗、桂圓、杞子、木耳、金菇米線份量好多好大碗，質地好彈牙！埋單問返店員先知，原來老闆係想做麻油雞湯底，只係加咗藥膳配料個名先咁叫，其實麻油先係主角，一場誤會🤣味道：7/10性價比：10/10-👍🏻巴蜀麻酸辣湯米線 $28特色少見嘅巴蜀湯！辣度分咗七級，第三級小辣程度大概譚仔五小左右睇落去紅卜卜好似好辣，但其實辣得比較溫和入口先酸後辣，油度都可接受，但麻香就唔係好明顯反而巴蜀香料味好突出，整體味道偏濃，啱晒重口味人士😜！-🔸迴辣豬腸 +$12🔸肥牛 +$10🔸魚腐 +$7🔸牛丸 +$7一碗平咗另一碗就嗌多啲餸試下，當中最推薦迴辣豬腸豬腸醬滷入味，偏向似滷水味鹹中帶甜，辣度溫和炆得軟腍唔韌得嚟又有彈性，肥膏適中冇異味，好食🤤！牛丸唔係爆汁個種不過不失，肥牛同魚
呢間一直bookmarked咗好耐但仲未食過，趁而家做緊限時優惠即去試下
買任何米線，第二碗(價錢較低者)有半價優惠
為返呢碗招牌藥膳麻油雞$26，大大碗全日同價，CP值真心癲冇得輸🤪！
-
湯底麻油味比較香濃明顯，藥膳味較淡
原隻雞髀上，雞味幾濃，雞皮爽口，但以雞髀嚟講肉質就唔算好滑
配料幾豐富，有蟲草花、紅棗、桂圓、杞子、木耳、金菇
米線份量好多好大碗，質地好彈牙！
埋單問返店員先知，原來老闆係想做麻油雞湯底，只係加咗藥膳配料個名先咁叫，其實麻油先係主角，一場誤會🤣
味道：7/10
性價比：10/10
-👍🏻巴蜀麻酸辣湯米線 $28
特色少見嘅巴蜀湯！辣度分咗七級，第三級小辣程度大概譚仔五小左右
睇落去紅卜卜好似好辣，但其實辣得比較溫和
入口先酸後辣，油度都可接受，但麻香就唔係好明顯
反而巴蜀香料味好突出，整體味道偏濃，啱晒重口味人士😜！
-
🔸迴辣豬腸 +$12🔸肥牛 +$10🔸魚腐 +$7🔸牛丸 +$7
一碗平咗另一碗就嗌多啲餸試下，當中最推薦迴辣豬腸
豬腸醬滷入味，偏向似滷水味鹹中帶甜，辣度溫和
炆得軟腍唔韌得嚟又有彈性，肥膏適中冇異味，好食🤤！
牛丸唔係爆汁個種不過不失，肥牛同魚腐正常發揮
不得不讚即使嗌四餸每個餸份量都好多，上枱超大碗😳
味道：8/10
性價比：8/10
-👍🏻蒜泥白肉(跟餐8折後) +$18 & 巴蜀涼拌豬耳(跟餐8折後) +$16
另外所有小食跟餐價同正價同樣都做緊8折，勁抵食😙
白肉厚薄適中，肥肉唔算好多，豬皮位爽彈，蒜泥有特別調味過，見到唔少辣椒碎
最正係除咗紅油同蒜泥外，呢度嘅白肉仲有麻辣醬，夠晒重口味😈！
涼拌豬耳鹹辣微酸，輕微嘅麻辣感，豬皮彈牙，軟骨爽脆，好惹味
兩款小食份量都合理，重口味人士表示好滿足😌
味道：8/10
性價比：9/10
-👍🏻水煮肥牛片米線 (半價後) $28
水煮咁正竟然冇人講🤔網上見大多數人都係食藥膳麻油雞、花雕雞、胡椒豬肚雞等，但個人覺得水煮湯都好食😜
中辣麻香突出明顯， 麻多過辣，後勁都last幾耐，加上大量蒜蓉，非常過癮
平時川菜餐廳閒閒地都要百幾二百蚊起跳，自己一人又食唔到🥲
呢度平平地一人份量，鍾意食麻辣水煮嘅朋友真係可以一戰😎！
肥牛就正常發揮，仲有大量秀珍菇、大豆芽、雲耳等
唯一扣分係食到最尾麻到啲苦味走咗出嚟🫢
大大碗無論肥牛定米線份量都好多，不過留意呢款只限堂食同不設加餸
而家買任何米線，第二碗(價錢較低者)有半價優惠
大大碗全日同價，CP值滿分🤪！
味道：8/10
性價比：10/10
-👍🏻新疆湯米線 $28
好少見嘅特色湯底！有淡淡胡椒孜然味，味道冇想像中咁濃，唔辣
🔸迴辣豬腸 +$12 🔸迴辣豬肚 +$12 🔸肥牛 +$10 🔸魚片頭 +$7
四餸中最推薦迴辣豬腸同豬肚🌟
醬滷入味，偏向似滷水味，鹹中帶甜，微辣
兩者炆得軟腍唔韌得嚟又有彈性，乾淨冇異味
肥牛同魚片頭就正常發揮
不得不讚即使嗌四餸每個餸份量都好多，上枱超大碗😳
味道：7/10
性價比：8/10
-👍🏻香辣雞軟骨(跟餐8折後) +$17 & 巴蜀涼拌豬腸(跟餐8折後) +$21
另外所有小食跟餐價同正價同樣都做緊8折，勁抵食😙
涼拌豬腸彎彎曲曲嘅摺位更加容易沾上麻辣醬，鹹辣微酸，肥膏油脂香唔會被掩蓋
雞軟骨米線舖小食嚟講都算唔錯，唔會油淋淋，咬落爽脆香口，但重口味人士表示調味可以再鹹啲🤏🏻
味道：8/10
性價比：9/10
-而家買任何米線，第二碗(價錢較低者)有半價優惠
太子同深水埗兩間分店都有，但留意優惠期只做到今年9月30日🔥
-📍#米線哥 @mixiangor
太子花園街232-242號黃禮賢大廈地下K舖
深水埗元州街32號地舖
Post
