樂園潮州粉麵 (Closed)

潮汕蠔餅蠔餅火喉岩岩好，表面煎到金黃色😍 食落好香口好脆，但唔會好油，送啤酒一流🍺 叫左清島啤酒，啤酒係枝裝上嘅，仲有另一個選擇係藍冰啤酒。蠔餅好大塊，相中係有兩大塊蠔餅疊埋一齊，份量十足🤩 蠔餅加左蛋漿一齊煎🍳 令蠔餅好有蛋香味，蠔餅仲有d蔥粒，唧埋檸檬汁令蠔餅冇咁濟，蠔粒好足料，啖啖蠔餅啖啖蠔粒🤣 之前有食過蠔餅嘅蠔粒好腥，但呢個一d腥味都冇，點埋醋食更加突出蠔粒嘅鮮味，係食宵夜邪惡必點之選！