諾亞半熟蛋糕專門店 (Closed)

呢間舖開業初期已經想試但由於口味太多，又同友人lunch 中，唔想花太多時間研究，無奈敗走今日遇著友人生日，終於有機會大飽口腹唔講都唔知，原來友人鍾情伯爵茶，咁就梗係揀返個伯爵茶口味嘅半熟蛋糕啦半熟蛋糕，外型唔算靚仔，中間塌咗落去，好似個兜仔咁，顏色睇落就唔似平時飲開嘅伯爵茶但雪過嘅伯爵茶半熟蛋糕，切開後頗有驚喜初時以為佢會好似流心朱古力咁，點知切開後，係比一般黑森林蛋糕實在嘅質感中間夾住稍為濕潤嘅淺灰色醬當我以為只係「淺嚐」伯爵茶味嘅時候，濃郁嘅茶香喺口裡面滲出嚟比期望中濃郁嘅味道，口感一流。值得一提嘅係，佢提供嘅小膠叉好精緻，見到都開心~