平記餐廳

Open Now

Now Closed

響上環行吓行吓，見到有間平民式的飯店，裏面都幾闊落，而且價錢都幾吸引，於是入去試吓。椒鹽蝦， $80，賣相唔錯，味道亦都唔錯，但係八隻中蝦中，有一半蝦肉都幾爽，但另外一半有少少淋。苦瓜炆金古魚，$65 ，亦10分野味，豆豉苦瓜，爽中帶淋，但係兩條魚嘅新鮮程度爭少少。醬爆豬扒，$55 ，煎仔洋蔥十分之多，而且美味。至於豬扒，亦都不過不失，值得推舉。叫餸食飯，每檯都送上一碗青菜。至於白飯可以任裝，例湯雖然淡一些亦都可以任飲。由於飯店較為平民化，所以外賣顧客及堂食下，都是多數上了年紀的客人。