Otto Restaurant (Closed)

一共兩層，入口即見到天梯， 裝修華麗。麵包 麵包鬆軟帶徵溫，黑配上松露牛油，入口香軟。煙三文魚凱撒沙律 & 夏威夷香蔥吞拿魚紅蝦沙律新鮮沙律，帶有微酸，特別開胃。番茄蘋果蟹肉湯番茄纖維特別多，好有口感。蟹肉都唔少，帶出湯嘅鮮味。黑松露花膠燉湯用大量時間煲嘅湯，好清甜。花膠特大，可見真材實料。海鮮鮑魚鬚酥第一次見到嘅配搭，底層係香脆酥，上層係鮑魚。要一淡食哂， 慢慢咀嚼，先可以感受到當中嘅滋味。青檸雪葩 主菜前，先用雪葩調和口腔，迎接主菜。 青檸酸酸地，愈前愈開胃。火炙A5和牛配牛肝菌意大利飯 和牛好薄，用火燒幾秒已經可以入口，好有牛味，入口即溶。 個意大利飯好香淳，值得一試。西班牙黑毛豬外層香煎，所以鎖住咗內層嘅肉汁，唔會太乾同韌。推薦5至7成熟達到最佳體驗。72道特濃朱古力蛋糕配黑松露雪糕從來唔鐘意食甜嘅牛古力，而呢款朱古力就帶有微苦，而且味道真係特濃！配上主廚自創嘅 黑松露雪糕，帶埋我哋味蕾另一種境界。紅莓拿破崙餅每層嘅酥皮之間都好鬆軟， 層次豐富，夾著住鮮奶油同紅莓。 而且造型華麗，啱曬打卡。