皇玥 (Closed)

自上年開始，已經新開左呢間舖，而家分店越黎越多。門面金色，非常搶眼，今年中秋即將來臨，買盒月餅自己試食左先，等到中秋就送禮比親朋戚友應下節。除左月餅之外，仲有囍餅禮盒，包裝精美大體，配搭一流。如果遇到節日送禮，呢盒精選蝴蝶酥都係一個唔錯既選擇。有幾種不同既味道，而家做緊優惠，仲可以買4送一。月餅款式同口味都比較多，有d仲可以混合口味，可以試下多d唔同既口味既月餅。月餅也分為6個裝和8個裝，當中仲有d係低糖月餅，真係岩晒d想食但又怕肥和注重健康既人。而家做緊買4送一，仲有優惠價，真係非常超值。傳統既味道又有，時尚d既味道又有，款式真係好多，數之不盡。今次買左盒雙併月餅，分別有流沙奶黃月餅和流沙奶黃綠茶月餅，每款共4隻，total 8件裝。分為上下兩層，包裝高貴華麗，好似成個化妝盒咁好靚呀。蓮蓉好香夠滑，月餅皮香內軟，少許既綠茶味，唔會好苦好結，味道幾特別，真係岩晒我呢d綠茶控。奶黃夠香唔會太甜，可見奶黃真係流沙出黎，一個人食晒一個都唔會太漏。呢個size好，怕肥既人可以唔洗食太多，而唔夠喉既人，可以再食多個都無問題。價目表一目了然，咩系列都有，緊有一款岩心水。