Video
Read full review
2011-04-01
30 views
4人聚會cake日,又去Antique Patisserie呀,原來喱間店已搬左舖了,不過都仲係中環,據聞裝修左之後仲靚,於是就再去了,thx aeris book位>3<,果然係攪手,而加搬左去勝香園後面既樓梯直上,白色既門面,色彩繽紛既牆紙,不過好似以前既藍色門比較靚點呀~!tea room 係樓上既,由白色門框既位置上去,入到坐的位置,好靚呀,同以前既格局差唔多,依然咁華麗呀,個場同以前好似差唔多大,只係個格局正方形左,同光猛左好多,有窗果然光猛好多,又可以擺好多花,感覺幾舒服~!有4張卡比我地(因為有4人),講起喱張來卡既來歷...都真係有d唔太明@@"...大約係打去book時,要係tea room食既話,係要先預繳既,如cake set就要buy cake card咁先可以入去tea room,(只係buy一個cake唔可以入去tea room食架,我估可能因為要有最低消費卦...),張卡有咩特別既意思既(冇拆冇平既,當入場卷啦..),不過唔知儲齊左有冇其他優惠了,喱個制度有少少煩同難明...@@"...不過可能佢想保持個地方寧靜既feel卦~!真係要特別鳴
tea room 係樓上既,由白色門框既位置上去,入到坐的位置,好靚呀,同以前既格局差唔多,依然咁華麗呀,個場同以前好似差唔多大,只係個格局正方形左,同光猛左好多,有窗果然光猛好多,又可以擺好多花,感覺幾舒服~!
有4張卡比我地(因為有4人),講起喱張來卡既來歷...都真係有d唔太明@@"...大約係打去book時,要係tea room食既話,係要先預繳既,如cake set就要buy cake card咁先可以入去tea room,(只係buy一個cake唔可以入去tea room食架,我估可能因為要有最低消費卦...),張卡有咩特別既意思既(冇拆冇平既,當入場卷啦..),不過唔知儲齊左有冇其他優惠了,喱個制度有少少煩同難明...@@"...不過可能佢想保持個地方寧靜既feel卦~!真係要特別鳴謝aeris既講解and book位呀>3<~~~~~~~~!佢唔講解我都唔知haaaaa~!
我地叫左tea set,$80,一件cake+茶,喱到有好多款茶葉揀既,仲可以比你拎來聞下揀左先,我揀左ACTE II(成份約有,莓果,焦糖,醇厚花,向日葵and玫瑰花瓣),我對花茶其實冇咩研究,只係聞落個味有少少甜甜地幾香好似唔錯,於是就揀左了,ACTE II,屬於綠茶來既,味道有少少甜,比較重花香味亦略帶點果味,不過係綠茶之下個味都係偏清少少既,都岩我,因為i like green tea la haaaaaaaa~!
CONCORD CAKE,主要比佢個外表吸引,因為幾特別,好似城堡呀,仲要特別大個,喱次真係挑戰極限揀左朱古力味既蛋糕,一定好甜呀,果然真係好甜....外層(圓柱形)係朱古力甜餅來,食落幾鬆化,少少甜,入面係朱古力慕士蛋糕來的,好濃朱古力味,同好好好甜呀,其實個朱古力味係唔錯呀,只係覺得太甜,我估都幾岩like朱古力同食到好甜既人仕~!(不過唔知點解又食到少少咖啡味..@@")
BLUEBERRY CHEESECAKE,雖然係比較普通,不過反而係3件之中最好食呀,可能因為我本身鍾意卦,芝士味都幾重,不過又唔覺得好漏~!
SALTED CARMEL PISTACHE,個頂有塊馬卡龍幾靚,外面既蛋糕係鹽焦糖味,入面底層係朱古力蛋糕,中間綠色既係開心果醬,整體來講係唔會好甜既喱個,不過我只係試左一啖之下,唔太敢講好唔好食呀,只係覺得唔漏又唔太甜好似唔錯~!
馬卡龍,粉紅色既係玫瑰味,味道帶點玫瑰香清清唔錯,啡色係黑朱古力味,唔算太甜都唔錯,不過個人比較鍾意玫瑰味多點呀~!
綜合來講個場依然咁華麗,華麗得來又有點寫意既feel,可能因為多左個窗光猛左and多左d花有少少生氣卦,甜品方面覺得d款有d唔同左,冇左上次食果個款了,不過就多左d新款咁啦,記得上次食果個柑桔慕斯蛋糕唔錯,不過而加唔見左了,喱次食既蛋糕比較偏甜,主要係我叫果個......至於茶方面,喱次feel易凍左同少左,可能唔夠保暖呀個茶壺~整體來講我都係比較鐘意以前果間多點~!
Post
