華輝小食 (Moved) New Location

華輝嘅手撕雞腸粉就食得多, 原來前排仲推出脆香豬仔包！即係我最愛嘅奶油豬。 價錢仲相當親民, 一隻有底面兩塊, 賣$10！！比中環勝香園平足一倍喎, 行過路過好難唔買返隻食下o者。雖然奶油豬烤得乾脆係重點, 但之前食過一啲係脆到整片硬掘掘, 食落去口腔都刮到損晒。呢個我覺得烤得恰到好處, 外層夠脆, 中心位置 保留一點軟心。奶油份量不會過多, 香甜酥脆 食到停唔到口！！不過呢個鋪位只係開到3月24日, 新鋪將會搬到附近嘅積壽里。