Burger Home (Closed)

某日行過，以為wow burger換個牌頭繼續做，後尾先知原來真係換左手，係Yogurt Mix 另一攪作，是日就黎試下。我要既係芝心芝士，友人係只限堂食既Double cheese。我既芝心芝士，除了固有既例牌芝士一塊之外，所謂既芝心芝士係個用芝士黎整既醬汁，果然夠哂芝，食到尾已經好飽滯，喜歡芝士的應該滿意，牛肉好的係夠厚身，不過牛味就較為一般，亦唔多汁，飽係一般嘉記飽，只係微微烘過，烘熱d會更好。粗身薯條，係穩陣野，炸得熱脆，冇投訴既地方。友人既double cheese，好高身，不過冇試個，聽講好似牛味唔錯，係只限堂食既其中一款，下次試下先。價錢唔太貴，食物水準跟價錢成正比，格局同以前wow burger一樣，得幾個位，店員又介紹又推介，係有心既小店。