尖東好彩海鮮酒家海景宴會廳

Open Now

Now Closed

有台灣朋友黎香港玩，做下伴遊，尖東買下手信，行到累，朋友話想飲茶。經過呢度幾間酒樓，見呢間有海景又唔洗等位，就入去hea下抖抖，順便食小小點心嘆下茶傾計。蝦餃唔錯，真係幾多蝦，皮薄，蝦爽。蝦腸就唔掂喇，腸粉勁厚；鮑汁雞腳幾正，好入味，炆得夠哂淋。蜜椒雞翼喂呢個好明顯抄某間我食左多年既連鎖酒樓。連個名都一樣，可惜味道抄唔足。比較起黎唔夠惹味又唔夠脆。柚子蛋散一向鐘意食蛋散，見倒特別版喎，即刻試試。但原來只係蛋散上加少少柚子蜜，仲要成碟凍既，不推。其他就不過不失啦，整體泥講係一般茶樓質素，但望住海景，呢個價錢都抵既，真係好適合帶遊客去。