萬芳冰室 (Closed)

修裝真係幾特別，有好多懷舊擺設，例如古老入錢秤重機，荔園掟楷磚，舊式剪髮椅。但對野食期望唔好太大，不過野食都唔錯野。叫左3樣野：1.呢個好似叫蝦多士既野勁好味，可能因為我地兩個都好肚餓，呢樣野又係第一樣到，我地勁快清左佢，我覺得有蝦味嫁，佢成隻蝦係上面，我係醬怪，你地食記住叫佢加，唔係唔夠醬用。個沙律比我地想像中大，同一般沙律無分別，都係果d野啦。推介。2.紅豆冰都好味丫，因為好耐無飲過，比較唔到，但紅豆好軟林林，又唔太甜，所以我會覺得好味嘅3.沙丹豬扒飯豬扒好味，肉質鬆軟唔會老。特色係有菠蘿，本人好鐘意食菠蘿，所以加分。飯量對男仔黎講可能算少，本人勁勁細食都食到一半飯。豬扒推介4.炸脾我覺得好乾，有d失望，皮炸到有d硬。但薯條好味，鐘意食粗薯條會鐘意食，佢炸得幾好wor，我坐左好耐下，到走果陣再食多幾條，我都覺得好味啊，唔會炸過龍，無乾爭爭嘅感覺，可能因為係粗薯關係