飲茶 (朗豪坊) (Closed)

相信黎得呢間食飯一定係俾佢既得意既點心同埋有特色既菜式而吸引，初初可能會覺得好膚淺，但係佢唔單止賣相一流，佢既味道都係一流，簡直係色香味俱全，食之前一定要影相呃like呀！值得一提係"鴿吞鳳梨"，成籠雀咁擺上台個下好驚喜，唔捨得食呀，食落好食過台灣d鳳梨酥呀，因為佢有d溫度，惹味一點。另外舖頭的生招牌"睇住流奶"，雖然係好簡單既流沙包，但加左少少點綴，令成件事增添趣味，又食又玩，睇住佢嘔d奶先黎啦～👇🏻最後點都要提下個甜品，本身都係d好簡單既甜品，楊枝甘露布甸加可可麻球，但佢一擺上枱又帶來驚喜，煙霧離漫，忍唔住還是要相機食先啦。