Video
Read full review
2023-06-11
738 views
外賣自取 -- 好食，但...挑戰個人修為這是一間有廚藝，但經營不善的舖頭。不會再幫襯。如果閣下咁啱有50分鐘等候時間，推薦；如果咁啱係趕時間，又睇咗食評，假如延誤咗行程/要做的事，至少，證明本人冇作嘢。晚上去買外賣(一家四口分量)，諗住從幾間餐廳買不同餐，諗住食幾種菜式。Green Brazil 落了單(濕炒河，菠蘿炒飯)，四眼經理哥哥説20分鐘，聽落覺得少少耐，但都唔緊要，明白有四五枱客；因為仲會去另外一間買其他食物，加上 7-11 買飲品和甜品。及至其他餐廳完成落單，7-11買完嘢，經過問咗句：未有，當時15mins，我就去另一間餐廳，等咗一陣，攞埋外賣，幾抽嘢再去 Green Brazil，已經係 半個鐘，晚上卅度高温，和兒子在門口等。問咗兩次經理都係敷衍下，話就嚟得。到了35分，開始真係有啲嬲，同其他非華裔侍應講等咗好耐，佢哋算有禮貌，但除了等等之外幫唔到手。在 35分至到50分等候中，兒子已經等到呆同埋好熱好餓，我亦已經和每一個經過嘅侍應催促過，我問佢地呢兩個dish是否複雜，佢地同意係general嘢。再同經理理論，但佢亦只是話「等多兩分鐘」，我今次真嬲話唔得，叫佢直接入
這是一間有廚藝，但經營不善的舖頭。不會再幫襯。如果閣下咁啱有50分鐘等候時間，推薦；如果咁啱係趕時間，又睇咗食評，假如延誤咗行程/要做的事，至少，證明本人冇作嘢。
晚上去買外賣(一家四口分量)，諗住從幾間餐廳買不同餐，諗住食幾種菜式。Green Brazil 落了單(濕炒河，菠蘿炒飯)，四眼經理哥哥説20分鐘，聽落覺得少少耐，但都唔緊要，明白有四五枱客；因為仲會去另外一間買其他食物，加上 7-11 買飲品和甜品。
及至其他餐廳完成落單，7-11買完嘢，經過問咗句：未有，當時15mins，我就去另一間餐廳，等咗一陣，攞埋外賣，幾抽嘢再去 Green Brazil，已經係 半個鐘，晚上卅度高温，和兒子在門口等。問咗兩次經理都係敷衍下，話就嚟得。到了35分，開始真係有啲嬲，同其他非華裔侍應講等咗好耐，佢哋算有禮貌，但除了等等之外幫唔到手。在 35分至到50分等候中，兒子已經等到呆同埋好熱好餓，我亦已經和每一個經過嘅侍應催促過，我問佢地呢兩個dish是否複雜，佢地同意係general嘢。再同經理理論，但佢亦只是話「等多兩分鐘」，我今次真嬲話唔得，叫佢直接入廚房追，之後直至我攞到外賣都無見過四眼經理。 過程中真係有幾次想放棄直頭想叫佢攞返錢嚟，去買燒鵝好過。
買到之後屋企開嚟食係好食，但你要好好個人修為，泄得到度氣先可以享受得到。
起初以為因為佢哋唔注重外賣，先至咁樣俾人對待；但睇返樓下原來堂食都試過，又係經理話“兩分鐘”。今次經驗係好攰，好嬲，俾咗錢得唔到相應嘅嘢，失望，餓親家人有點無辜。
Post