Sense Dessert Cafe (Closed)

其實來呢度食野唔洗等已經係超級無敵咁lucky!!!同埋佢呢度咁"隔涉"都仲有咁多人排隊, 証明佢有唔少優點...我來呢度就係為左食呢個甜品...tiramisu...佢唔係淨係得個樣靚, 其實個tiramisu都幾好味...咖啡味唔算太濃, 但係因為"碎上"又幾特別, 口感又唔同wor!!又唔會太甜, 又唔係死甜, 我覺得甜甜地加埋少少咖啡香味又岩岩好呀!!!同埋個溫度又好好, 唔會太冰凍,又唔會唔夠凍...個texture都幾creamy!!!另外嗌左個baileys既疏乎厘都好正...baileys味唔會太重, 但係有少少酒香...加埋暖笠笠既疏乎厘, 真係好match, 仲係香滑既texture!!! 好讚呀!!!因為呢兩樣甜品都好正, 所以就order埋心太軟, 呢個都好鬼死正...個朱古力味係濃到爆炸, 如果你係朱古力愛好者, 呢個甜品真係冇得輸...用支叉吉落去, d朱古力漿就流哂出來, 係好多好多朱古力漿...個texture係岩岩好, 唔會好水, 但又唔會太結, 總之就係漿實個口...好濃烈既朱古力, 再配埋一球冰凍既vanilla 味雪糕,一熱一凍,個口腔好有滿足感