全日點喫茶店 (Closed)

之前已經係FB知道呢間店，都心思思想試下，終於機會黎啦！！！因為朋友係呢度學日文，所以就同佢一齊黎食，睇d相，叫左2個餐，好得意，當然！手機食先~~~叫左2杯飲品，紫薯凍飲、朱古力凍飲，紫薯凍飲淡左d。等緊野食途中，可以玩佢地提供既小遊戲，任意取玩，只要做個有手尾既人，放返好就除左小遊戲外，椅子上都有d公仔，可以比你一齊影相，亦都有部電視機仔解悶 (不過係日本節目喔！)。d湯好似住家湯，d醋飯味道唔錯，其他食物味道一般，其實講真都係為左影相姐，所以都可以接受，不算難吃便可。普通咖哩飯！賣相可愛！手機食先！入面有大量日系既野，迷日既可以去睇下！而且，呢度最好既係，可以坐好奈，又冇時間限制，雖然個陣我地食完好奈，又一路傾計同睇電視，但店員都冇話趕我地走。