Burger's Friend Forever (嘉峯匯) (Under Renovation)

啟德呢邊剛發展無耐，餐廳數目雖然唔多，但都有唔同種類嘅餐廳供選擇。好耐好耐冇去食漢堡包（除咗麥當勞啊🤣）見到呢間有咁多款式同埋賣相吸引，未食已經流口水🤣餐廳裝修工業風，店舖細細但係一啲都冇壓迫感，平日下午過嚟唔會好多人，可以慢慢坐☺️鵝肝安格斯漢堡$148（配洋蔥圈加可樂+$33）呢個漢堡包都幾巨型，賣相好吸引，鵝肝外層煎到少少脆，而且相當肥美，入口即溶，麵包好香牛油味，煎得脆脆地，安格斯牛肉啖啖肉都幾Juicy，中間夾住濃濃嘅芝士，呢個配搭真係冇得輸😋洋蔥圈食落爽脆，炸粉唔會太厚，味道少少鹹剛剛好，再點埋佢嘅蜜糖芥末醬好match呀👍