Video
Read full review
2017-05-17
516 views
泰國過江龍進佔海港城，慕名而來試一試環境都已藍色為主，用的木同餐具都好有泰國feel，加上有個海景，環境很不錯！由於係泰國餐廳過黎香港開分店，對佢的食物期望都幾高假日黎到有lunch set，唔算貴，其實幾抵食，$238有前菜、湯、幾款主菜，仲有甜品。一次過可以試好多樣食物，每款份量唔多，幾啱鐘意一餐試多啲唔同食物的朋友。前菜每樣一少份，整得幾靚，個三文魚波完全冇咖哩味，亦冇芝士味，只有淡淡煙三文魚香，口感唔錯但只有咸味，食唔出青咖哩蟹肉。酥炸雞卷完全唔脆，有啲似腐皮感覺，配冇得輸的泰式酸辣醬，點整都會好味。個肉碎沙律好一般，少辣但好普通。冬陰公湯完全係失望，夠辣但唔夠酸味，完全唔係傳統冬陰公味，似一般辣湯，一啲都唔好味。3樣主菜反而幾出色。青咖哩牛鍵肉係驚喜，牛鍵肉煮得好淋，有口感但唔會太韌，青咖哩好香椰汁味，辣度適中，啱哂配飯一齊食。炒露荀及雜菌幾好食，但只屬好普通的菜式。脆皮鱸魚亦係另一亮點，好脆身，個魚好香，酸甜汁似咕嚕肉個隻汁，好香口，非常好食！另外散叫左幾樣菜，包括雜錦沙爹串燒。以一個高身籃上菜，夠哂吸晴。沙爹唔太辣，花生味濃，串燒質素唔錯尤其是牛，好有肉汁，又唔會韌，夠j
環境都已藍色為主，用的木同餐具都好有泰國feel，加上有個海景，環境很不錯！
由於係泰國餐廳過黎香港開分店，對佢的食物期望都幾高
假日黎到有lunch set，唔算貴，其實幾抵食，$238有前菜、湯、幾款主菜，仲有甜品。一次過可以試好多樣食物，每款份量唔多，幾啱鐘意一餐試多啲唔同食物的朋友。
88 views
0 likes
0 comments
前菜每樣一少份，整得幾靚，個三文魚波完全冇咖哩味，亦冇芝士味，只有淡淡煙三文魚香，口感唔錯但只有咸味，食唔出青咖哩蟹肉。酥炸雞卷完全唔脆，有啲似腐皮感覺，配冇得輸的泰式酸辣醬，點整都會
好味。個肉碎沙律好一般，少辣但好普通。
海鮮冬陰公湯
58 views
0 likes
0 comments
冬陰公湯完全係失望，夠辣但唔夠酸味，完全唔係傳統冬陰公味，似一般辣湯，一啲都唔好味。
青咖哩牛鍵肉
35 views
0 likes
0 comments
3樣主菜反而幾出色。
青咖哩牛鍵肉係驚喜，牛鍵肉煮得好淋，有口感但唔會太韌，青咖哩好香椰汁味，辣度適中，啱哂配飯一齊食。
炒露荀及雜菌幾好食，但只屬好普通的菜式。
脆皮鱸魚亦係另一亮點，好脆身，個魚好香，酸甜汁似咕嚕肉個隻汁，好香口，非常好食！
雜錦沙爹串燒
40 views
0 likes
0 comments
另外散叫左幾樣菜，包括雜錦沙爹串燒。以一個高身籃上菜，夠哂吸晴。沙爹唔太辣，花生味濃，串燒質素唔錯尤其是牛，好有肉汁，又唔會韌，夠juicy，好味！
Pad Thai
32 views
0 likes
0 comments
Pad thai 係其中一樣泰菜signature, 可惜又係一個失望，金邊粉冇乜味，就算撈左花生同辣椒都係唔夠味，隻大蝦完全冇鮮味，肉唔爽口，唯一係炸左的乾蝦好香口，但整體很差。
蝦醬通菜冇蝦醬味...只得蒜味，其實係蒜蓉炒通菜多啲囉...
椰汁芒果奶凍
30 views
0 likes
0 comments
跟餐甜品絕冇馬虎，好靚，雖然只係奶凍但擺碟都有心思，值得一贊。奶凍甜度剛好，有椰汁味帶少少芒果味，隔離舖左芒果粒同椰汁糕粒，都好好味。芒果超甜，但絕對係新鮮既果甜，唔係浸完糖水個種！
芒果糯米飯
47 views
0 likes
0 comments
最後係特意散叫的芒果糯米飯，相機表示超級好味呀！擺得勁靚，4個糯米球下面舖左一塊芒果，上面有芒果醬同椰汁醬，超吸晴。食落都勁好味，紫米勁有口感，佢加左椰汁食落勁有芒果紫米露feel！個椰汁糯米飯勁香椰汁味配埋芒果簡直係一流！真係超好食，強烈推介！
Post
