Pizza Maru (荃新天地)

Open Now

Now Closed

今日停一停，唔寫懷舊系列住，因為今日8嘅風球，唔係你想舊就有得舊，有得食已經執到意外發現，人龍熱店竟然有開，平時又要齊人，又要早到先有得食，見到有位唔洗等，即入啦其實我唔明點解8號風球仲有人返工，咁危險，香港人真係好鍾意返工必食嘅一定係牛骨汁炸雞，依然好好食，外脆內嫩又juicy，汁醬同調味都好啱我口味Pizza今次試左個未食過嘅蟹肉pizza，我都金精火眼望清楚個menu，係蟹柳定係蟹肉，confirm係蟹肉先嗌，佢幅圖啲配料鋪滿成個pizza面，我仲加錢轉埋金芝邊。但係上枱一睇，啲料只係得中心部分有料，外圍只得芝士，如果係因為轉金芝邊而減少配料，咁我真係捉蟲。最慘係啲蟹肉冇乜味，啲木魚碎又好難咬，個配搭好似有啲問題。講番條邊，金芝邊啲芝士真係超多，冇食飯，食3塊pizza係極限，鍾意芝士嘅人應該好滿足，我就怕怕。