山下菓子 (如心廣場) (Closed)

同屋企人行完donki想食甜品，得知如心廣場有間叫山下菓子，重有pancake食，就諗住去試下。一去到就好多人排隊，但因為女女話想食pancake就繼續排落去。不過店員態度幾好，雖然多人排隊，但入座安排都快，排左15分鐘左右就入得。餐牌有8款pancake選擇，有雜果、朱古力、黑糖珍珠等等，價格由$76至$139。最後就嗌左一個原味pancake同一個tea set 千層蛋糕加cremia雪糕。先講Pancake，店員告知由於pancake係由蛋漿整起，所以需要等20-30分鐘，但其實等落都唔洗咁耐既，好快就有。個pancake上到嚟都真係幾吸引，賣相好好，而且份量大份，我地兩個大人，一個細路share住食。pancake鬆軟，好重蛋味，加埋糖漿，一個字，正！之後個千層蛋糕都冇咩特別，就係正常嘅千層，抹茶味濃。