The Night Market (ELEMENTS圓方) (Closed)

本來打算去西九野餐，可惜落雨，所以轉場係圓方食嘢。見呢間餐廳嘅食物價錢唔太貴，都有人排隊，就入左去食啦。賣相ok，但味道總體我覺得麻麻地，不會再去試。蟹粉小籠包我地叫嘅五樣食物中較為滿意嘅一樣。伶出黎都熱辣辣，juicy嘅肉汁同蟹味，都唔錯。鹽酥雞睇落炸到脆啵啵，但係入面2/3都係粉，無咩雞肉🥲，味道係正常嘅炸粉味。呢個黑松露大蝦豆正常D，不過味道偏淡，感覺煮熟後，就咁加D黑松露，所以整道菜無咩黑松露味。麻辣大腸鴨血煲鴨血份量雖然多，都滑嘅，但係麻辣湯我唔太鍾意，都幾鹹，死鹹嘅辣。酸菜魚唔酸又唔辣，D魚比較腥，似係普通嘅魚湯咁。