Video
Read full review
2022-10-29
195 views
柚子茶室係一間茶餐廳裝修格局, 面積唔係太大, 聽講佢哋係專做雞既專門店, 今日過開嚟順便入嚟叫吓雞。果然係雞嘅專門店, 店舖由一位媽媽級有整雞三十多年經驗的主婦經營, 餐牌上佔咗85%都係雞食品, 有藥膳雞、燒雞、海南雞、沙薑雞.........所有雞種都可以配麵食或海南雞飯, 價錢仲非常實惠, 另外見到有豬手飯、猪扒、咖哩類及泰式豬肉飯等。參鬚紅棗桂圓水 ($9/下午茶餐加配)好欣賞而家啲餐廳開始明白市場上有養生熱飲的需求, 會煲唔同嘅養生飲品供應, 例如補氣補血的紅棗杞子養生茶或去濕清熱的薏米檸檬水等, 我今日啲杯參鬚杞子紅棗桂圓水, 味道微甜, 參味濃郁, 紅棗及桂圓補血安神又香甜, 全部用新鮮食材自家煲制, 真係有病醫病,冇病都可以補吓身呢。紅豆西多士 ($36)熱辣辣香噴噴上枱, 成寸咁厚, 炸得金黃香口, 切開西多, 同樣有一層厚厚的香甜粉綿的紅豆蓉, 外層煎得脆脆的西多士, 內裏卻柔軟綿綿, 香甜甜, 實在太好味了, 為食之徒點抗拒?南乳脆皮妙齡春雞 ($108/隻)春雞以香茅醬料醃過, 有單才即炸, 春雞食到好香既香茅味道, 雞皮薄薄一片, 冇肥膏的, 脆到好似食緊
果然係雞嘅專門店, 店舖由一位媽媽級有整雞三十多年經驗的主婦經營, 餐牌上佔咗85%都係雞食品, 有藥膳雞、燒雞、海南雞、沙薑雞.........所有雞種都可以配麵食或海南雞飯, 價錢仲非常實惠, 另外見到有豬手飯、猪扒、咖哩類及泰式豬肉飯等。
參鬚紅棗桂圓水 ($9/下午茶餐加配)
好欣賞而家啲餐廳開始明白市場上有養生熱飲的需求, 會煲唔同嘅養生飲品供應, 例如補氣補血的紅棗杞子養生茶或去濕清熱的薏米檸檬水等, 我今日啲杯參鬚杞子紅棗桂圓水, 味道微甜, 參味濃郁, 紅棗及桂圓補血安神又香甜, 全部用新鮮食材自家煲制, 真係有病醫病,冇病都可以補吓身呢。
紅豆西多士 ($36)
熱辣辣香噴噴上枱, 成寸咁厚, 炸得金黃香口, 切開西多, 同樣有一層厚厚的香甜粉綿的紅豆蓉, 外層煎得脆脆的西多士, 內裏卻柔軟綿綿, 香甜甜, 實在太好味了, 為食之徒點抗拒?
南乳脆皮妙齡春雞 ($108/隻)
春雞以香茅醬料醃過, 有單才即炸, 春雞食到好香既香茅味道, 雞皮薄薄一片, 冇肥膏的, 脆到好似食緊薯片咁, 索索聲, 好彩雞肉唔喊, 可以拈少許南乳醬汁食, 勁香口, 鍾意食煎炸香口嘢嘅朋友,一定要試吓。
下次嚟開呢頭, 要試埋佢哋嘅海南雞飯, 勁隔離枱....一個海南雞餐好大堆頭, 個樣仲幾靚吓呢。
Post
