為食仔海鮮火鍋專門店

Open Now

Now Closed

卜卜蜆.......最喜歡食貝類，之前見到介紹即想來試下......9:30後卜卜蜆有特價，啱晒放工來食！最搞笑是.....電話訂位時已講明，訂咗位來到都要等，最後某人等了半粒鐘有多！卜卜蜆份量也不少，2個人放滿4碟蜆殻山！而卜卜蜆其實就是沙白，只是等待沙白開口時，會發出卜卜聲，所以命名之！不過，蜆一開口就要快點食喇，因為煮得耐就冇咁好味，所以2個人食，都真係要密密食了！如果唔食得辣，記得早少少夾起啲辣椒呀..........食到咁上下就可要落order叫配料作打邊邊，張枱唔大，唔好一次就落咁多食物，冇位放就麻煩了！安格斯肥牛，這個牛牛其實不太差，只是份量太少，當然預咗唔係高質素，但還可以；手打四寶丸，分別係墨魚丸、蝦丸、鯪魚、牛丸，其中以墨魚丸最好味，內有墨魚粒，每款都細細粒幾彈牙；自家製紫菜響鈴，有點期待....因為我幾喜歡有紫菜既食物，好似紫菜鳳凰卷果啲.......雖然個響鈴層數較薄，但也鬆脆，仲有紫菜香，幾特別！p.s.哩度啲汽水唔平，好彩進食中不太口渴；另外，食店環境都幾熱！