日日香鵝肉飯店+新仙清湯牛腩 (Closed)

喺屯門行完donki，見到呢間新開就試一試。滷水墨魚同鵝腎份量都好多，墨魚食落好彈牙同埋食到墨魚味。鵝腎食落都好香，相當入味，口感實得嚟又唔會硬，CP值極高。牛丸咬開有少少牛油，好香而且又彈牙。墨魚丸就不過不失，冇乜太大驚喜。羅白好甜，而且冇乜根，食完3舊唔夠喉，再叫多一份小食。嚟到呢到，冇理由唔叫返個鵝肉嚟食。問咗店員，鵝肉同鵝片嘅分別。鵝肉就有骨，鵝片就冇骨。鵝肉食落好香，因為d皮都比較肥，平時食雞鴨鵝都唔會食皮，但呢個皮食落去又唔會有好油膩嘅感覺，但份量就比較少。