TON 180

Open Now

Now Closed

俾人捉去尖東飲嘢，其實我係萬千個唔願意。因為最近我返早，其實收工嗰陣已經好肚餓，唔想淨係得墨西哥脆片同花生做晚餐…好啦，嚟到尖東半島中心TON 180，典型酒吧格局，一打開本Menu…咦？滷水鵝片？蠔餅？肥牛粉絲煲？好喎，咁我又唔介意呀😂。於是就叫咗兩杯嘢飲先，當然係靚靚仔仔嘅 - Corktail夏日的夢、和荔枝馬天尼。夏日的夢根本就係一個彩虹，而且好易入口，有啲mint嘅味。荔枝馬天尼嘅酒味比較重，但入面係有荔枝肉。有趣嘅係其實TON 180嘅Corktail係有外賣(速遞)，Foodpanda、Deliverwoo和美團都有。以為一間酒吧點會識做潮州嘢？實際上，”鵝片滷水拼盤”做得相當唔錯，夠熱，鵝片有鵝味，夠晒淋。”豬大腸”都唔錯，肥膏唔會好多，洗得乾淨。不過個人覺得最好食係”墨魚拼鵝腸”。除咗夠晒熱，墨魚夠煙靭又易咬。鵝腸更加係超過一般滷水店嘅水平，爽口夠味質感平衡，係今晚最好食嘅嘢。另外呢度有飛鏢機，不過好多人排隊😅，我今晚就攰到傻，食嘢飲嘢就夠，總算可以relax吓。