Video
Read full review
2013-12-22
21 views
九龍城食泰菜就聽得多，今晚有幸一試呢間新開嘅中式私房菜唔係一定會走漏眼呢前菜鮑魚汁鳳爪鳳爪炆到啱啱好，伴以鮑汁真係好好食日本芥末雲耳食落冇乜芥末味，不過配搭幾得意金磚一口豆腐一向都鍾意食金磚豆腐，不過好多時都係一大舊變咗冇得啖啖「脆」呢個一口就啱啱好嘞，面頭仲加咗黑芝麻，更加吸引呀蝦醬排骨仔脆得嚟又唔乾身，蝦醬又香!!好好味呀主菜避風塘茄子拼軟殼蟹茄子同軟殼蟹都炸得脆脆，加埋啲炸蒜蓉同辣椒真係好惹味麥片黃金海中蝦黃金蝦...係我全晚最期待架最鍾意食啖啖咸蛋黃嘅黃金蝦，不過食得多又會太滯店方特別加咗燕麥片減低油膩感，蝦又夠新鮮，無論味道口感都啱啱好!!讚好鍾意呢一味金蒜銀絲蒸元貝皇真不愧係元貝皇，真係好大隻，呢味簡簡單單加上粉絲同炸蒜蓉已經好好味海龍皇吐珠將龍蝦肉釀入蕃茄再加上露筍作裝飾就係海龍皇吐珠賣相好精緻呀!!健康得嚟又好味!!水煮海龍躉水煮魚成日食，用龍躉真係第一次，平時覺得龍躉都係得個大字肉質嚡嚡咁不過呢個由辣度到肉質都非常對辦，但係太飽嘞，所以都只係淺嚐椒鹽鮑魚呢個食法都係第一次，感覺特別得嚟又好好味沙參玉竹豬肚包雞因為豬肚雞工序繁多，唔係度度都有得食上菜後由店主即席剪開豬
九龍城食泰菜就聽得多，今晚有幸一試呢間新開嘅中式私房菜
唔係一定會走漏眼呢
前菜
鮑魚汁鳳爪鳳爪炆到啱啱好，伴以鮑汁真係好好食
日本芥末雲耳
食落冇乜芥末味，不過配搭幾得意
金磚一口豆腐一向都鍾意食金磚豆腐，不過好多時都係一大舊變咗冇得啖啖「脆」
呢個一口就啱啱好嘞，面頭仲加咗黑芝麻，更加吸引呀
蝦醬排骨仔
脆得嚟又唔乾身，蝦醬又香!!好好味呀
主菜
避風塘茄子拼軟殼蟹茄子同軟殼蟹都炸得脆脆，加埋啲炸蒜蓉同辣椒真係好惹味
麥片黃金海中蝦黃金蝦...係我全晚最期待架
最鍾意食啖啖咸蛋黃嘅黃金蝦，不過食得多又會太滯
店方特別加咗燕麥片減低油膩感，蝦又夠新鮮，無論味道口感都啱啱好!!讚
好鍾意呢一味
金蒜銀絲蒸元貝皇真不愧係元貝皇，真係好大隻，呢味簡簡單單加上粉絲同炸蒜蓉已經好好味
海龍皇吐珠將龍蝦肉釀入蕃茄再加上露筍作裝飾就係海龍皇吐珠
賣相好精緻呀!!健康得嚟又好味!!
水煮海龍躉水煮魚成日食，用龍躉真係第一次，平時覺得龍躉都係得個大字肉質嚡嚡咁
不過呢個由辣度到肉質都非常對辦，但係太飽嘞，所以都只係淺嚐
椒鹽鮑魚呢個食法都係第一次，感覺特別得嚟又好好味
沙參玉竹豬肚包雞因為豬肚雞工序繁多，唔係度度都有得食
上菜後由店主即席剪開豬肚，好心急等飲湯呀
個湯夠晒足料夠火喉，味道鮮甜濃郁，胡椒味溫和
黑醋炸蛋雞就咁諗就諗起薑醋，食到好飽嘅時候上一味酸酸甜甜嘅都唔錯喔
亮點係炸蛋，外層炸咗嘅雞蛋，感覺都幾得意
南瓜四寶盅唔係好鍾意食南瓜，不過南瓜蓉配蔬菜又唔錯喎
黑白泡飯龍蝦湯底加入海鮮煲出嚟嘅湯底
黑係黑糯米，白係白米，店員仲即席喺我哋面前將炸過嘅黑糯米倒入湯裡面
好鍾意呢啲即場表演嘅菜色，炸炸聲好得意
門口唔特別不過卧虎藏龍，色香味齊全嘅私房菜
睇得出店方對菜色嘅認真，九龍城又再多一間值得食嘅食店嘞!!
Post
