開飯主義

Open Now

Now Closed

朋友話大埔墟大明里廣場有一間食多國菜嘅餐廳，價錢平民，難得黎到大埔掃貨，一於掃埋依間餐廳。環境舒敞，一睇餐牌真係令人眼花撩亂，有沙律、焗飯、石鍋飯、拉絲芝士麵包、等等。最值得推薦嘅係燒蠔！有蒜蓉同芝士味，2隻$48，4隻$88。蠔身飽滿，裙邊焦脆，而內裡多汁到爆出黎。另外叫咗香煎A級穀伺西冷10oz($95)，一上菜就聽到滋滋聲，周圍配咗薯角同埋西蘭花。牛扒大概有15mm嘅厚度，雖然叫咗9成熟，但係仲係好嫩口，肉汁鮮甜。加多$15升級做套餐，配餐湯、牛角包、飲品，氣氛味道令人覺得置身於扒房咁！香蒜牛油野菜海鮮炒巑岐烏冬($85)，同樣用鐵板上，即刻就見到主角軟殼蟹，仲有青口、蝦、章魚、蟹柳等等同埋好多椰菜青椒，非常豐富。個人覺得香蒜牛油唔重，反而唔會蓋過海解嘅味道。小食多不勝數，而且點2個仲平啲。今次試咗香辣蕃茄醬焗青口($22)，青口唔算大，少少辣好滋味開胃。蒜香蜜糖雞翼($22)，有3隻，烤得焦甜，同樣係好惹味。因為大家都想再食牛，於是再點咗香蒜燒汁霜降仔牛($32)，可以話係一口牛，比起西冷多咗少少口感，肉味重。至於飲品就叫咗柚子檸檬梳打(跟餐+$10)同埋荔枝梳打($22)，以