Video
Read full review
2020-11-21
119 views
❀ 蠔灣 #尖沙咀 ❀❗️臥虎藏龍 超高質多款式生蠔 仲有龍蝦刺身❗️——————————————————絕對係少數喺香港可以食到滿意生蠔、海鮮刺身嘅地方🤩位於尖沙咀金馬倫道，餐廳裝修就唔算好出眾，但有多達20款生蠔、十多種海鮮刺身選擇，而且質素好高，難怪平日夜晚嚟到都坐滿人。最特別嘅仲係可以自由選擇海鮮拼盤配搭，另外仲有鮮甜彈牙嘅龍蝦盛宴選擇✨！.✷𝑀𝑒𝓃𝓊✷☞ 活龍蝦套餐Live lobster set🦞$688♥龍蝦刺身♥龍蝦湯兩碗♥燴龍蝦意大利飯龍蝦係餐廳親自入手，確保龍蝦最新鮮咁直接運到，所以先可以整成龍蝦刺身，口感爽口鮮甜，非常高質👍🏻。龍蝦湯亦係我飲過之中最香濃，唔係平時加忌廉製作嗰種，而係用上龍蝦頭龍蝦殼去熬製，所以唔會膩，但又非常之鮮，內裏仲有少量煲完湯都彈牙嘅龍蝦肉😚。連意大利飯都非常高質，有兩大舊鮮甜爽口嘅龍蝦鉗、龍蝦肉。燴飯嘅口感做到al dente，美中不足唔係用上龍蝦汁，而係就咁忌廉、洋蔥、蘑菇，但係不得不讚佢個醬汁都非常之香，包圍着每粒飯😋。味道: 4.5/5 整體性價比: 4/5.☞ 自選海鮮拼盤🦐🦪♥生蠔Speciales Lambert $42Hone
❗️臥虎藏龍 超高質多款式生蠔 仲有龍蝦刺身❗️
——————————————————
絕對係少數喺香港可以食到滿意生蠔、海鮮刺身嘅地方🤩位於尖沙咀金馬倫道，餐廳裝修就唔算好出眾，但有多達20款生蠔、十多種海鮮刺身選擇，而且質素好高，難怪平日夜晚嚟到都坐滿人。最特別嘅仲係可以自由選擇海鮮拼盤配搭，另外仲有鮮甜彈牙嘅龍蝦盛宴選擇✨！
.
✷𝑀𝑒𝓃𝓊✷
☞ 活龍蝦套餐Live lobster set🦞$688
♥龍蝦刺身
♥龍蝦湯兩碗
♥燴龍蝦意大利飯
龍蝦係餐廳親自入手，確保龍蝦最新鮮咁直接運到，所以先可以整成龍蝦刺身，口感爽口鮮甜，非常高質👍🏻。
龍蝦湯亦係我飲過之中最香濃，唔係平時加忌廉製作嗰種，而係用上龍蝦頭龍蝦殼去熬製，所以唔會膩，但又非常之鮮，內裏仲有少量煲完湯都彈牙嘅龍蝦肉😚。
連意大利飯都非常高質，有兩大舊鮮甜爽口嘅龍蝦鉗、龍蝦肉。燴飯嘅口感做到al dente，美中不足唔係用上龍蝦汁，而係就咁忌廉、洋蔥、蘑菇，但係不得不讚佢個醬汁都非常之香，包圍着每粒飯😋。
味道: 4.5/5 整體性價比: 4/5
燴龍蝦意大利飯
4 views
0 likes
0 comments
龍蝦湯
10 views
0 likes
0 comments
.
☞ 自選海鮮拼盤🦐🦪
♥生蠔
Speciales Lambert $42
Honey point $34
Chile Montt $36
Fine de claire $36
Majestic $52
Gillardeau $62
♥ 北海道帶子$38
♥北海道活赤貝$78
有成多達20多款生蠔選擇🤩店員話按照你嘅喜好同埋budget作推薦，今次品嚐咗六款唔同口感味道嘅生蠔，真係每款各有特色，最印象深刻絕對係gillardeau，手掌咁大，鮮甜爽口，蠔味唔會被海水味遮蓋。
另外帶子、赤背就唔係餐廳主打，但質素都絕對唔差。
味道: 4.5/5 整體性價比: 4/5
自選海鮮拼盤
27 views
0 likes
0 comments
.
整體來講，雖然價錢唔算平，但質素真係有保證👍🏻👍🏻👍🏻好難得喺香港食到咁鮮甜嘅生蠔，仲有爽口彈牙嘅龍蝦刺身，味道真係高質！絕對係醫治海鮮癮嘅好地方😆！
Post
