Video
Read full review
2020-11-16
485 views
話說呢年食多咗印度菜🇮🇳，發覺自己都幾鍾意食。上網見到灣仔「Jo Jo Indian Cuisine」有自助餐食啵，就試下啦。Openrice可以訂枱，不過單點先有折，自助餐無。一去到我哋都幾Surprised，因為爆哂棚Full House，好彩門口仲有張枱，過多十五分鐘，直頭要等位😳。餐廳真係有好多印度同胞幫襯，即刻感覺正宗，當然亦不乏香港人。週末中午自助餐Weekend Brunch Buffet承惠$168一位，另收加一服務費。我覺得唔算貴，我之前喺其他印度餐廳點一份咖哩都要$9X。呢度係任食之餘，最重要係可以食多幾款口味✌🏻 。放食物嘅位置有一個「L」形嘅餐枱，以及有另一張長枱仲有師傅坐陣，選擇幾豐富👍。不過有時望見啲食物，雖然已經有牌介紹，但我都唔太清楚係乜嚟，直接食咗先講🙈。我出去夾咗兩轉，首先有類似前菜部份嘅Papadum(脆脆薄餅)，可以自選幾款醬。另外亦有各款咖哩，我自己最鍾意Goan Prawn Curry(咖哩蝦🍤)。第二碟食咗Goan Subj Dum Briyani(印度炒飯)，米粒偏長身，而且好入味🤤。今次拎多啲醬嚟點薄餅！其中一款偏紅色嘅咖哩好辣🌶(圖中
話說呢年食多咗印度菜🇮🇳，發覺自己都幾鍾意食。上網見到灣仔「Jo Jo Indian Cuisine」有自助餐食啵，就試下啦。Openrice可以訂枱，不過單點先有折，自助餐無。
一去到我哋都幾Surprised，因為爆哂棚Full House，好彩門口仲有張枱，過多十五分鐘，直頭要等位😳。餐廳真係有好多印度同胞幫襯，即刻感覺正宗，當然亦不乏香港人。
週末中午自助餐Weekend Brunch Buffet承惠$168一位，另收加一服務費。我覺得唔算貴，我之前喺其他印度餐廳點一份咖哩都要$9X。呢度係任食之餘，最重要係可以食多幾款口味✌🏻 。
放食物嘅位置有一個「L」形嘅餐枱，以及有另一張長枱仲有師傅坐陣，選擇幾豐富👍。不過有時望見啲食物，雖然已經有牌介紹，但我都唔太清楚係乜嚟，直接食咗先講🙈。
我出去夾咗兩轉，首先有類似前菜部份嘅Papadum(脆脆薄餅)，可以自選幾款醬。另外亦有各款咖哩，我自己最鍾意Goan Prawn Curry(咖哩蝦🍤)。
第二碟食咗Goan Subj Dum Briyani(印度炒飯)，米粒偏長身，而且好入味🤤。今次拎多啲醬嚟點薄餅！其中一款偏紅色嘅咖哩好辣🌶(圖中左前)，就係Chicken Vindaloo，係幾好食，但真係辣，上網查完先知"Vindaloo"係指辛辣。
另外有啲食物係由店員送上，甚至係師傅即場整👨🏻🍳。Naan(印度烤餅)就係由店員熱辣辣送上，一籃有四件，口感夠煙韌，但略嫌油咗啲。
Dosa
15 views
0 likes
0 comments
跟住要介紹係類似漢堡包嘅Keema Pav🍔，麵包用上細餐包以夾住大量餡料，例如洋蔥、青椒同蕃茄碎等。中間夾住嘅肉一絲絲，有啲似手撕肉嘅感覺，問完店員後先確定係羊肉。
Pani Puri
37 views
0 likes
0 comments
Kesari Rasmalai
10 views
0 likes
0 comments
自助餐包一人一杯飲品，我哋要咗🥭Mango Lassi(芒果奶昔)同🍋Lime Soda(青檸梳打)，兩杯都大大杯，味道唔錯。
總括嚟講，呢餐印度自助餐係一個非常好嘅體驗，我未必每樣嘢都啱食，甚至唔係好清楚佢係乜。不過正正因為係自助餐，我能夠一次過試多啲印度嘅菜式，平日單點我多數都只係食咖喱或者薄餅等，唔會嗌小食。今次真係大開眼界，亦都大飽口福😆。
Post
