正宗印度餐廳

Open Now

Now Closed

時間仲早，夜晚六點幾，就睇下Exx App 有咩正野，見到呢間有半價就黎試試。餐廳佈置幾有氣氛，有一面落地玻璃，可以望出街景。一坐底職員就即刻比手巾同碟餐前小食薄脆，仲比隻暖碟我地食野，好貼心，而且佢地幾個侍應都好有禮貌。今次叫左三樣野，半價後，大約每人$80，真係物超所值。我地食左無耐就已經全場坐滿，仲要好多都係南亞裔，相信呢間都做得幾正宗。薄脆餅 Free好香好脆，有少少咸味，會連埋三碟醬比你，有甜酸醬、薄荷醬同醃菜，甜酸醬幾好，唔太酸，而個薄荷醬就比平時既味道啖D，薄荷味無咁勁。羊肉咖啡角 $48個餡有好多羊肉，仲有青豆同香料係到，肉味濃，但又無乜羶味，而且，唔會太咸，餡料味道好好，而個皮就可以再焗耐少少，乾身D令酥皮鬆散D。咖喱雞 $108甜味較重，食到好多椰絲，怕辣既人岩哂，唔辣，而雞肉好嫩，都有6舊左右，仲要無骨，食得好方便。羊肉炒飯 $118分量都幾多下，而且都有好多粒羊肉，仲要好淋好香，飯夠一粒粒，但又唔會乾淨淨，配埋咖喱食真係一流。