Video
Read full review
2016-12-09
130 views
有時想食西餐搵到啱食又預先訂枱，真係好麻煩，所以我個人比較喜歡即興，行到邊見到門面唔錯就入去食，又會真係有驚喜比到我啵，早兩日同朋友行完街黎左依度食晚餐入到餐廳已經好多人，大部分人都係飲野傾計，我地叫左個Christmas set dinner再另加野食一齊share，咁既份量足夠我地食，又唔會食剩嘛<<帶子薄片伴紅菜頭及美國露荀>>帶子口感好滑溜，有少少檸檬汁係面面，食落酸酸地，幾開胃，紅菜頭既咸道夾埋一齊食幾好味<<牛肝菌忌廉湯>>一上台果時聞到好香黑松露味，飲落個質感好creamy，仲好熱辣辣，好窩心<<牛肝菌意大利飯>>份量剛剛好，食落好濃既芝士味同好多菇，味道唔會太咸，意大利飯煮得夠腍，都唔錯<<炭燒美國頂級肉眼配牛肝菌芥末>>咁多道最欣賞依個肉眼，個牛烤得唔錯，口感軟熟同一點韌都無，食落有炭燒既香味，咬個時仲有肉汁<<炭燒法式燒春雞>>雞肉口感較瘦，個皮食落幾脆口，份量都幾大份，我地兩個食左一半已叫飽<
入到餐廳已經好多人，大部分人都係飲野傾計，我地叫左個Christmas set dinner再另加野食一齊share，咁既份量足夠我地食，又唔會食剩嘛
<<帶子薄片伴紅菜頭及美國露荀>>帶子口感好滑溜，有少少檸檬汁係面面，食落酸酸地，幾開胃，紅菜頭既咸道夾埋一齊食幾好味
<<牛肝菌忌廉湯>>一上台果時聞到好香黑松露味，飲落個質感好creamy，仲好熱辣辣，好窩心
<<牛肝菌意大利飯>>份量剛剛好，食落好濃既芝士味同好多菇，味道唔會太咸，意大利飯煮得夠腍，都唔錯
<<炭燒美國頂級肉眼配牛肝菌芥末>>咁多道最欣賞依個肉眼，個牛烤得唔錯，口感軟熟同一點韌都無，食落有炭燒既香味，咬個時仲有肉汁
<<炭燒法式燒春雞>>雞肉口感較瘦，個皮食落幾脆口，份量都幾大份，我地兩個食左一半已叫飽
<<Flovour Mojito>>因為暫無甜同供應，店員話可以轉飲品，所以叫左依杯，出面好似比較少有果味既MOJITO，有荔枝、菠蘿同其他味，叫左荔枝味，飲落個味道幾好，fresh既口感，唔會覺得有藥水味
<<麥子BEER>>
整體味道都唔錯，坐得都幾舒服，如果上菜快少少就更好了
Post
