大吃大喝 (彌敦道)

Open Now

Now Closed

相信大家對呢間都唔陌生，主打即叫即整嘅厚切三文治，除此之外更有多款飯類、港式小食同飲料供應。聽聞最近喺中環都開設咗新店，依家九龍同新界區都可以食到性價比高嘅三文治了。招牌菜有勁芫荽餐肉滑蛋三文治，鹹香又厚切嘅餐肉，爆餡芫荽，搭配滑嘟嘟嘅滑蛋，令人一試難忘。田園三文治以蕃茄、生菜、滑蛋同千島醬混合而成，素食人士之選，清新又飽肚。表弟三文治係廚師推介，經典火腿芝士滑蛋配上香酥肉鬆，味道口感非常豐富。而Best Seller有牛油果碎蛋三文治，牛油果夠creamy，蛋沙律調味啱啱好，放入雪櫃第二日食都得。