雞翼山 (謝斐道) (Closed)

由細到大我都好中意食雞翼架😎所以每次去BBQ都最期待食燒雞翼，但係有去過燒野食嘅都知道，要燒一隻靚嘅雞翼真係唔簡單。有日行過銅鑼灣見到雞翼山開左係世貿附近，拿拿聲黎試下🤣雞翼山鋪頭唔算好大，但係都有張bar枱同細細嘅枱仔俾你係到吹住食雞翼，襯住lunch time 過黎，所以就同幾個friends 叫左3款唔同嘅雞翼試下文青風玫瑰🌹食落有d驚喜，玫瑰味唔會好假，食落甜甜地，配埋外脆內juicy 嘅雞翼，我覺得好好食呀😋個雞翼仲好襯成間鋪頭，走少女風添🥰港式避風塘蒜香雞翼面係滿滿嘅炸蒜，食落好脆好香口，雞翼嘅質地比玫瑰味嘅再乾身d同脆口d我係鹹檸七鹹檸七飲就飲得多，加埋雞翼呢個combination 我真係第一次試，食落又真係好有鹹檸七嘅味道，感覺幾得意😜因為我地叫左3款雞翼，可以叫set加一杯野飲，試左伯爵野莓冰茶，食完雞翼食返淡凍冰冰嘅茶，正👍🏻值得一讚嘅係所有雞翼都係即叫即製，本來我以爲所有嘅雞翼底都係一樣，再淋上唔同嘅sauce，但係我地叫3款雞翼都係分開整分開上，每款都熱辣辣，賣相仲好靚添！最後想講嘅係，食雞翼梗係要用手食啦🤣 斯文嘅你唔洗擔心，係有叉提供🤣