媽咪雞蛋仔 (Moved) New Location

細細個已經好鍾意食雞蛋仔! 食咗廿幾年都仲係好鍾意食, 係下午茶嘅最佳選擇~ 佢哋開咗多間分店, 食雞蛋仔我多數都會揀呢間。其實雞蛋仔嚟到嘅時候係完整㗎, 不過一拎上手我就忍唔住食咗一粒🙊。識食一定係自己食一底, 我覺得更有滿足感~ 抹茶紅豆雞蛋仔 — 因為係即叫即製, 製作需時, 大概等15分鐘就攞得。即叫即製既抹茶紅豆雞蛋仔有外脆內軟熟既質感。裏面唔係空心架, 粒粒飽滿。內餡好軟綿綿, 綠茶味夠香🍵, 係帶微苦嗰種, 所以唔會太甜膩。裏面仲有香甜既紅豆粒, 我成日都話抹茶同紅豆係最佳配搭，好食！黃金雞蛋仔 — 第一次試這個口味, 裏面係鹹蛋黃味, 味道幾特別。