潮福蒸氣火鍋 (Closed)

喺深水埗行完街，買完電子產品，就揀咗間餐廳食飯。其他小店就幫襯得多，酒家酒樓啲類喺深水埗就第一次食。呢度主打係食蒸氣火鍋，但因為時間唔係好充裕，所以就叫咗幾個小菜食。海蜇拼煙燻豬蹄份量都幾多，海蜇好爽脆，燻蹄嘅味道就比較淡。沙拉骨應該係即叫即整，非常新鮮。一字骨炸完之後再撈埋啲醬汁，食嗰時咬落去仲係脆既，好適合送飯。魚香茄子煲味道唔錯，但食到底就會偏鹹。煲仔菜嘅保溫程度非常之高，食完成餐飯，最咪食淨果兩舊茄子都好熱辣辣，冬天叫非常之唔錯。乳鴿都係即叫即炸，個皮脆卜卜，入邊啲肉好嫩滑。