得閒飲茶

Open Now

Now Closed

係元朗夜晚想飲茶，見到呢到所有點心即叫即蒸，同埋夠曬平，就入左去。茶位都係$6位咋!香菇燒賣同埋蝦餃係每次飲茶必食。原來呢到既蝦餃之王咁勁，見到餐廳都貼左好多訪問報章出黎! 蝦餃皮薄，蝦肉多之餘又彈牙! 燒賣厚實好重菇味，好食! 呢到既糯米雞係我見過最多餡既一間，入面有叉燒，有雞，仲有蟹柳等等，真係好飽肚! 蔥花蝦米腸腸粉口感軟滑，配上大小適中蝦米同埋特製既甜豉油，味道鹹香。蜜汁叉燒包都係主打足料! 龍蝦湯鮮竹卷第一次食，普通既鮮竹卷就食得多。加左龍蝦湯，提鮮左好多，而且浸住湯汁既鮮竹卷，食落仲係好脆口。