陸奧酒場

Open Now

Now Closed

放工約咗大班朋友係九龍城食飯🥰，點知原來個個都會遲大到🥺，得1️⃣個朋友可以準時。我地見未夠鐘，朋友就帶我去間串燒店🍡坐陣先，話呢間陸奧酒場啲串燒好出色😍。由於轉頭就要去食晚餐，所以我地只係點咗少少嘢食就算😋。牛肋肉 $42燒得剛剛好，牛味🐂濃郁，咬落juicy有口感😋。雞翼 $36/隻雞翼外層燒得好香😚，內裏鮮嫩多汁，美味又香口😋。雞軟骨 $28炸得非常香脆可口😋，但係入面就唔乾身，出色😍。豆腐 $28燒到外面乾身入面濕潤，加埋自家製嘅味噌醬🏺，更加惹味😋。自家製免治雞肉棒 $44雞肉棒表面燒得香口，雞肉🐓入邊有軟骨，食落非常有口感😍芝士年糕 $48外面燒到焦香，入面🧀煙煙韌韌，非常好食😋。柚子果酒(90ml) $75果味🍊香濃，酒精成份唔高，啱哂啲唔係好識飲酒嘅人。Suntory Black(380ml) $70啤酒🍺味道甘醇濃郁，濃烈香氣搭配串燒，簡直一流😋。總括而言，串燒即叫即燒，師傅拿捏時間好準確，全部都燒得剛剛好，價錢中上，但絕對值回票價。