燒烤堂

Open Now

Now Closed

設有吧枱、四人枱同卡位等，唔會有逼狹感！中意呢度有多款唔同嘅風味:日、泰，港、川、新疆、韓，仲有自家製品，非常豐富！👉🏻焦糖青蘋果鵝肝多士 超厚身大件，脆脆焦糖面，鵝肝醇厚，青蘋果解膩，多士內脆內軟好香口！👉🏻焦糖鰻魚芝士玉子燒玉子好嫩滑，夾住芝士同鰻魚，口感層次豐富！👉🏻豚肉節瓜波板糖（附月見）非常有創意同心思，層層豚肉配節瓜，造型似波板糖，加上月見汁嘅點綴，好夾！👉🏻鹽燒原塊雞皮大大塊，薄片酥脆，油脂逼出，好惹味！👉🏻雞皮墨魚滑雞皮嘅香脆同墨魚滑嘅柔嫩結合，味道濃郁！👉🏻麻辣燒赤雞心微辣唔嗆口，口感彈牙！👉🏻鹽燒A4宮崎和牛油脂感滿滿，牛味濃！👉🏻鹽燒和牛牛小排肉質軟嫩多汁，鹽燒嘅方式令牛小排嘅原味更加突出！👉🏻厚切鹽燒牛舌拖羅厚身，好爽彈又juicy！👉🏻惹味爽口雞腎口感又脆又爽！👉🏻椒鹽燒多春魚共四條，配有檸檬，更可口！👉🏻鹽燒豚肉荔枝卷豚肉嘅香氣包住荔枝嘅清甜，perfect match! 👉🏻鹽燒萵筍第一次食燒萵筍，好清脆！👉🏻日本芝士年糕好柔軟，軟糯，芝士溶化，滿滿奶香！👉🏻即打芒果乳酸果香配乳酸，入口滑順！👉🏻威士忌梳打濃郁酒香，氣泡感，令人愉悅放鬆！