岸久巿場 (Closed)

返工咁攰，放工當然要鬆一鬆，朋友就提議試下間又有新鮮海鮮又可以飲下酒嘅地方，仲要係尖沙咀咁就腳，當然好啦。本身我麻麻地食椰菜，但呢個前菜-芝麻鹽醬椰菜癲覆左我對椰菜嘅印象，又爽又甜，配埋鹹鹹酸酸嘅芝麻醬，好開胃。原板韓國海膽都算新鮮，啱我呢啲唔好太creamy嘅人。清酒昆布煮花螺同埋二人浜燒盛合，望落都好豐富。職員會係我地面前煮螺同燒海鮮，睇住煮果下已經流哂口水。全部貝類都非常新鮮，仲識郁嘅，入口係清甜海水味。點少得金目鯛刺身，肉質結實又有少少油脂香。食完仲可以拎啲骨去炸變成天婦羅，脆到連骨都可以食埋架。燒魷魚非常彈牙，送酒一流。乳酸味汽酒清新解膩。蕃薯雪葩完美作結。