牛極 (庇利金街) (Closed)

疫情問題除上班好少出街，今日見風和日麗，大人計畫去油麻地買啲烤焗工具，自家製蛋糕麵包。佢話先落佐敦行行街，醫醫肚。行經這間有日本風的餐廳，在販賣機自己落單，侍應告知可以坐的位置，然後等送餐。半自助式套餐，餐具，湯，沙律菜，白飯，水 都是自己取的。有貼心圍裙提供，今天著白色衫，一定要圍一圍。點了牛柳及牛肩排各一份。很快就送上有成吋厚的一乘熟牛排，用廚房紙蓋著(以免肉汁彈出)，吱吱聲，出晒烟，挺有趣。因之前曾經在其他店食過，除非食得好快，否則牛排一直放在石板上會過熟。所以今次將牛排分開一半。的確策略成功，因一向喜歡食半熟，所以今次可以慢慢嘆。牛柳很有厚度，挻腍滑，入口即溶，肉色好靚，可以煮到自己喜歡嘅熟度食，！牛肩排就較有質感，有咬口，帶少少根，不過也頗軟腍，牛味重一點。拿了些辣汁和醬油，但原來只用枱面上的鹽，胡椒和香草已經很夠味，辣汁反而會遮蓋了牛味。白飯任裝，紅/白蘿蔔牛肉湯任飲，沙律菜任食，必會吃得飽。總體感覺良好性價比也算高。