茶芝味 (Closed)

平時真係極少飲芝士奶蓋嘅產品 今次決定搵一間試一試🤔經過葵芳商場 去咗一間專係賣芝士奶蓋嘅產品 一共叫咗兩杯試下 包括 茶芝味凍頂烏龍茶$26，另一杯係店長推介嘅 茶芝味宇治抹茶$29😋兩杯嘅芝士都好濃厚 首先講吓個奶蓋烏龍茶 鹹鹹嘅芝士 配清澈嘅烏龍茶 感覺唔太油膩 又可以食到芝士嘅味 同品嚐到烏龍茶嘅清香 都幾配合👍而第二杯芝士宇治抹茶 🍵覺得都好match 宇治抹茶係甜嘅 配上一層鹹鹹嘅芝士 平衡返有咸有甜 整體覺得成杯野 都唔會好甜嘅感覺 係一個幾好嘅配搭！個人幾鍾意芝士宇治抹茶👍鍾意飲芝士奶蓋嘅朋友 可以試一試😉