Video
Read full review
2023-02-19
42 views
旺角砵蘭街有間「沙田頭火鍋」，想必同「沙田頭」呢個地方有關係，但肯定嘅係呢啲港式風味火鍋店，貴精不貴多，湯底同食材都好有保證！呢間火鍋店裝修貼地，分上下兩層，上層有私隱度高啲嘅厢房，下層擺放嘅長枱唔多，相對空間感大啲，又坐得舒服啲、自在啲！鴛鴦鍋（原生椰子文昌雞鍋拼特製沙嗲湯鍋）$208朋友鍾意清淡啲嘅湯底，而我就鍾意濃郁啲，揀鴛鴦湯底就可以滿足兩個人嘅願望。原生椰子文昌雞鍋真材實料， 侍應姨姨會喺客人面前開椰子，將椰子水倒入鍋中，半隻文昌雞另上，睇到有足半隻雞！雞鍋另外有粟米、海底椰、雪耳、杞子等塞爆成個煲，湯底滋潤清甜！滾咗一陣之後，沙嗲湯底開始呈現金黃色澤，雖然入面係無料嘅，但係淥過嘅食物都好掛湯，滲出濃濃嘅沙嗲味！美國頂級牛小排（細）$238幾欣賞呢個牛小排，首先師傅刀工好，牛肉切得片片都好均勻，望落色澤靚雪花多，而且油脂較豐富，淥幾分鐘食最好，軟腍腍一啲都唔鞋，真心唔錯！西班牙黑豚肉$148平時打邊爐，我一向都係鍾意食牛肉多過豬肉，因為牛肉口感更佳，不過呢個黑豚肉好新鮮，肉質鮮嫩，幾彈牙，薄薄一片，更吸收湯汁精華！四寶丸$98食港式風味火鍋，唔可以唔叫手打丸，因為自家製，一定
鴛鴦鍋（原生椰子文昌雞鍋拼特製沙嗲湯鍋）$208
朋友鍾意清淡啲嘅湯底，而我就鍾意濃郁啲，揀鴛鴦湯底就可以滿足兩個人嘅願望。原生椰子文昌雞鍋真材實料， 侍應姨姨會喺客人面前開椰子，將椰子水倒入鍋中，半隻文昌雞另上，睇到有足半隻雞！雞鍋另外有粟米、海底椰、雪耳、杞子等塞爆成個煲，湯底滋潤清甜！滾咗一陣之後，沙嗲湯底開始呈現金黃色澤，雖然入面係無料嘅，但係淥過嘅食物都好掛湯，滲出濃濃嘅沙嗲味！
美國頂級牛小排（細）$238
幾欣賞呢個牛小排，首先師傅刀工好，牛肉切得片片都好均勻，望落色澤靚雪花多，而且油脂較豐富，淥幾分鐘食最好，軟腍腍一啲都唔鞋，真心唔錯！
西班牙黑豚肉$148
平時打邊爐，我一向都係鍾意食牛肉多過豬肉，因為牛肉口感更佳，不過呢個黑豚肉好新鮮，肉質鮮嫩，幾彈牙，薄薄一片，更吸收湯汁精華！
四寶丸$98
食港式風味火鍋，唔可以唔叫手打丸，因為自家製，一定比出邊食到嘅特別新鮮彈牙，價錢反映到質素！四寶丸有牛丸、豬肉丸、墨魚丸、蝦丸。自己最鍾意蝦丸，食得出一粒粒完整嘅蝦粒，較有質感！
蜂巢豆腐$38
出面食嘅蜂巢豆腐，通常係一片片嘅，呢度係一條條嘅， 食落去比出邊食到嘅軟腍啲，食物本身都好索湯汁，好適合打邊爐！
雞脾菇$38
幾肥厚大塊，係個人打邊爐最愛娃娃菜之外嘅蔬菜！
麻辣鴨血$78
原來有唔少熟食選擇，鴨血麻辣味温和易入口，又食到辣椒、韭菜、香蔥嘅香氣！
忌廉$14
算係良心價，依家出邊一般都收十幾二十蚊！
醬料費$5一位，另收加一服務費
Post
