Bat Boys (Closed)

今朝同屋企人去咗飲酒，所以到lunch都未肚餓行行下好熱😂買杯珍奶飲下嘅時候見到隔離有間賣熱狗腸，一開頭係被佢音樂吸引咗，K-pop大聲到隔幾間舖位都聽到！我叫咗意式mozzarella熱狗腸，朋友叫咗泰式酸辣熱狗腸，我嗌嗰個真係超正！趁熱食有拉絲效果，調味得好好，好豐富！個炸漿唔知點整，真係好好味！朋友嗰個真係酸酸辣辣，好過癮😂下次無買嘢飲就試埋佢啲飲品先，好似都幾正另外仲叫咗韓式年糕串，原來係一條熱狗腸、一條年糕咁串成！上面有啲酸辣醬，一口煙韌、一口口感，都只係$20！我覺得呢串真係勁抵食！我見隔離小食店啲空心雞蛋仔都係賣$20😨下次經過一定會再食！