Ebeneezer's Kebabs & Pizzeria (Moved) New Location

喺中環食快餐，唔一定要去傳統嘅快餐店，麥叔叔、KFC、Delifrance、大家樂呢一類，見到有一間賣土耳其Kebab嘅店，佢地喺香港都有好幾間分店，又係另一款小公主喺英國好喜歡的食品。店內座位有限，因為佢都係以外賣快餐為主。我地揀咗兩份羊肉Kebabs套餐，一份係Standard版，另一份係spicy版，套餐包一杯飲品。一打開，非常熱，薄餅皮軟熟，冇油，非常健康，內裡蔬菜非常豐富，主要有新生菜、蕃茄、生洋蔥，大量羊肉，好可惜肉質係比較瘦，帶唔出燒香嘅肉味，不過醬料入面應該有mustard+沙律醬，與Kebab非常配合，都算係可口。Comments: 今趟最主要都係小公主可以再一次懷勉英國生活。如果羊肉可以選取較多肥肉的話，味道肯定會更甘香更吸引。以一道午餐或宵夜嚟講，呢度嘅Kebab係完全合格，如果下次再經過嘅話，都不失為一個選擇呢。