德國餐廳 (寶怡花園)

Open Now

Now Closed

係盈豐買嘢先發現開左間德國餐廳。裝修簡潔舒服，仲有BB椅提供。嗌左德國餐必食腸仔😋+黑啤。另外仲點左個黑松露燴飯俾小朋友。腸仔冇得輸呀，一咬落去有肉汁好香。配黑啤一流！旁邊有薯角做配菜，雖然係配菜，但一啲都唔馬虎，炸得外脆內軟。酸菜沙律可以中和肥膩感。燴飯松露味唔會太濃，適合未試過松露嘅家人。飯質煮得軟硬適中，入面仲有肉丸同菇類，口感唔錯。最後點左杯朱古力芝士奶蓋，估唔到有驚喜。奶蓋有淡淡芝士嘅鹹香味，配合埋朱古力好夾。值得一提嘅係店員好有禮貌同好親切，令呢一餐飯加分不少。