滿記甜品 De Avenue (Closed)

銅鑼灣晚飯後，大家都意猶未盡想飯後甜品，其實喺銅鑼灣甜品店選擇超多，朋友提議希慎3樓有間似食甜品嘅店，就一於試試。到步一睇menu，大家反應都係：原來係「滿記」！反正嚟到又唔駛等位，當然一食。個人認為坐店外商場位比店內，空間感更大、更舒服。各自點了——抹茶彩虹：顏色豐富名符其實係彩虹，生果新鮮，抹茶雪糕唔滑但夠香，底部混合紅豆、寒天等，又幾好食雜果椰汁豆腐花：生果唔算多種類，朋友話椰子肉、椰汁配合豆腐花，好好味喎。楊枝金露：朋友無特別comment，只係話幾好食嘅楊枝金露。芝麻糊杏仁茶+芝麻湯丸：朋友鍾意食好熱嘅糖水，要求要熱啲，的確做到！芝麻同杏仁夠香、湯圓正常，整體好味。其實都有一段時間無食「滿記」，今次再食都保持到水準，算係耐不耐飯後甜品的一個好選擇！