肯德基家鄉雞 (KFC)

Open Now

Now Closed

咁多年食開大X樂tea set 所以一直無睇其他，今日上kfc 買奶茶見到原來tea set 只係$24 （當佢一杯奶茶單賣$14時）即刻決定食返次叫咗個蜜糖雞翼餐，有全翼、葡撻、蘑菇飯包熱奶茶。一個夠飽嘅配搭。連鎖快餐店熱奶茶得佢同美心較好，奶味較重但水準穩定同夠滑，好過某啲茶記時好時唔好…葡撻一般，始終買咗澳門葡撻王食譜味道唔會太錯，擺咗陣仲用熱爐焗住，無實當賺！蘑菇飯啲飯好「lim」一舊舊痴住，希望下次會好啲，因為個蘑菇汁有少少辣其實ok 雞翼先係主角，燒得又香又脆，個面揸咗一層蜜糖少少反光咁望落去隻色仲sexy！最緊要係仲好食過我食開果間，發現新大陸了。