東京一番 (Closed)

今日放工過嚟呢便去探朋友，本身都講好咗一齊晚飯，不過一直都未諗食咩。。行過見到有個男仔派傳單，原來依家深水埗區都有放題食。。咁就上咗去試吓啦。。首先叫咗一堆刺身！值得一提嘅係只要讚好Facebook就有雪場蟹腳送，都幾抵食。。嘢食黎得好快，芝士焗蠔好吸引，芝士味亦都好濃郁！仲有呢度嘅壽司係手握嘅，唔似得出面放題啲壽司咁樣粗製濫造！而且款式都好特別，最鍾意佢嘅鰻魚壽司。出邊又唔拎嘢飲嘅雪櫃亦都有好多唔同款式，仲有清酒同埋梅酒任飲。服務員嘅態度好好，價錢亦都唔貴下次食放題都會揀返呢度。始終旺角區放題下下都要等好耐位先至有得入，呢度人流唔好咁多身份唔使等位就已經有得食啦。