Video
Read full review
2016-08-31
2813 views
分子料理一直想試 個日睇到膠台的飲食節目 介紹銅鑼灣新開的平民分子料理 唔洗$300就有得試六道菜 咪心郁郁叫家姐陪我去囉。訂位既時候 千叮萬囑我們唔好遲到 原來因為分子料理有點材料要預先準備 又唔存放得太內。去到已經有另外三個女仔到左。大約食左一個鐘 主廚Kenneth很用心講解每道菜係點做 用咩化學原理 不過我確實係入唔到腦 因為我由細到大和化學都做唔到朋友 所以我只管食 同埋對於一點視覺效果 表現好新奇 希望主廚唔會覺得我唔尊重佢啦😂😂1st~ 哈蜜瓜分子晶球配西班牙黑毛豬首先就將哈蜜瓜果蓉吱入鈣水（後尾我們試下鈣水係咩味道 原來苦苦咸咸 好難飲）等一陣～就會變成好像蛋黃形狀的晶球 再配上純種橡果45個月黑毛豬 。哈蜜瓜球有點蜜糖味 黑毛豬甘香 油份充足。2nd~ 櫻花蝦肉鬆雲吞配日式高湯我好鐘意飲咖啡 見佢攞個虹吸壺出來 以為有咖啡飲。原來唔係 係用呢個方法 黎係日式高湯～木魚 昆布 大地魚粉 蝦籽。熱湯清清地 幾甜 有點似食雲吞麵的湯底 （家姐笑話比佢昨日燉左幾個鐘既湯仲甜 笑死。）以為分子料理都有雲吞食咁正 原來係櫻花蝦配肉鬆 用個膠袋裝住 我開頭有點猶豫 食膠袋 好怪。鼓
訂位既時候 千叮萬囑我們唔好遲到 原來因為分子料理有點材料要預先準備 又唔存放得太內。去到已經有另外三個女仔到左。
大約食左一個鐘 主廚Kenneth很用心講解每道菜係點做 用咩化學原理 不過我確實係入唔到腦 因為我由細到大和化學都做唔到朋友 所以我只管食 同埋對於一點視覺效果 表現好新奇 希望主廚唔會覺得我唔尊重佢啦😂😂
1st~ 哈蜜瓜分子晶球配西班牙黑毛豬
首先就將哈蜜瓜果蓉吱入鈣水（後尾我們試下鈣水係咩味道 原來苦苦咸咸 好難飲）
等一陣～就會變成好像蛋黃形狀的晶球 再配上純種橡果45個月黑毛豬 。哈蜜瓜球有點蜜糖味 黑毛豬甘香 油份充足。2nd~ 櫻花蝦肉鬆雲吞配日式高湯
我好鐘意飲咖啡 見佢攞個虹吸壺出來 以為有咖啡飲。原來唔係 係用呢個方法 黎係日式高湯～木魚 昆布 大地魚粉 蝦籽。熱湯清清地 幾甜 有點似食雲吞麵的湯底 （家姐笑話比佢昨日燉左幾個鐘既湯仲甜 笑死。）
以為分子料理都有雲吞食咁正 原來係櫻花蝦配肉鬆 用個膠袋裝住 我開頭有點猶豫 食膠袋 好怪。鼓起勇氣試下 一入口就溶左。有點似白兔糖的外衣。食啖雲吞加個湯 感覺好特別。
3rd~ 柚子醋粉末伴針魚刺身 三文魚子
呢道菜讓左俾我家姐食。皆因腸胃不適 唔食得刺身。佢話針魚都算鮮甜。
我有試到柚子醋 如果冇理解錯 係將柚子醋泡沫加液態氮 再攪到變成粉末狀 酸酸地 幾得意。4th~ 龍蝦慕絲配魚子醬、椰菜花
龍蝦味好濃 都幾滑 好像飲緊龍蝦湯 底部的椰菜花比平時更有青草味 未必人人鐘意 幾爽口 我覺得OK。原來係用85度慢煮20分鐘再冰凍40分鐘 話說咁樣可以keep住纖維營養 不過口感就未必人人喜歡了。5th~ 煙薰*慢煮三文魚
即席用蘋果木煙薰慢煮好的三文魚。三文魚唔算太腥 幾肥美 家姐話有點過熟 我又覺得OK 因為我本身唔好太生。煙薰其實似係滿足視覺效果多點 食落口唔會有木味。
檸檬 橄欖 再加香草 提昇了魚的鮮味。最後一道～ 西班牙海鮮焗飯。
蝦 帶子 魷魚圈 蜆 粟米芯 一齊焗的飯。味道特別的 不是焗飯。而且泡沫蒜蓉汁 不過講堅 如果唔鐘意蒜頭的朋友 未必接受得到。
係用cream煮左炸蒜 再加檸檬酸煮成的汁 我鐘意蒜頭 覺得不錯不過食曬成碗 會有點膩。原來以為分子料理會唔飽 最後俾個焗飯KO左 飽足成晚。美中不足 一定係要立食😂😂都唔記得左問阿大廚 立食係為左達到咩目的呢？不過 今晚都是一個幾特別的晚上。
Post
